Xəbərlər / Şagird
22 avqust 2020
1 293
Məktəblilərimizin Asiya Pasifik İnformatika Olimpiadasındakı uğuru
14-21 avqust tarixlərində virtual formatda Asiya Pasifik İnformatika Olimpiadası təşkil olunub. 33 ölkədən 200-dən çox şagirdin iştirak etdiyi yarışmada məktəblilərimiz uğurla çıxış ediblər.
Belə ki, Təhsil Nazirliyinin tabeliyindəki Fizika, riyaziyyat və informatika təmayüllü liseyin XI sinif şagirdi Murad Eynizadə və Gəncə şəhəri M.Əzizbəyov adına 15 nömrəli tam orta məktəbin X sinif şagirdi Əziz Hüseynov bürünc medala layiq görülüblər.
Qeyd edək ki, Asiya Pasifik İnformatika Olimpiadası 2007-ci ildən Beynəlxalq İnformatika Olimpiadası formatında təşkil edilən virtual müsabiqədir. Məktəblilərimizin sözügedən yarışa 2019-ci ildən etibarən qatılma prosesi "Azercell Telekom" şirkətinin dəstəyi ilə həyata keçirilir.
