Xəbərlər / Ziyalılar
27 iyun 2020
1 191
Alim fəlakət risklərinin azaldılması üzrə iclasın iştirakçısı olub
Azərbaycan Milli Elmlər Akademiyası (AMEA) Coğrafiya İnstitutunun Landşaftşünaslıq və landşaft planlaşdırılması şöbəsinin müdiri, Azərbaycanın ilk dəfə çoxparametrli məlumatlar əsasında tərtib edilmiş iri miqyaslı rəqəmsal ekoloji risklər xəritəsinin həmmüəllifi, dosent Mirnuh İsmayılov Fəlakət risklərinin azaldılması üzrə Senday çərçivə sənədinə dair Milli Strategiyanın yaradılması ilə bağlı Əlaqələndirmə Qrupunun onlayn iclasının iştirakçısı olub.
Fövqəladə Hallar Nazirliyinin təşəbbüsü ilə keçirilən iclasda bir sıra dövlət qurumları və nazirliklərin, eləcə də AMEA-nın nümayəndələri iştirak ediblər. Tədbirdə Senday çərçivə proqramına dair veb-saytın təqdimından sonra sənədə dair Milli Strategiyanın yaradılması və hazırlanma mərhələləri müzakirə edilib. Tədbirdə müvafiq dövlət qurumları nümayəndələrinin təklifləri dinlənilib, maraq doğuran suallara cavablar səsləndirilib. Bildirilib ki, Senday çərçivə sənədinə dair Milli Strategiyanın hazırlanması üç mərhələdə həyata keçiriləcək.
