Xəbərlər / Abituriyent / Şagird
08 iyun 2020
1 203
Bu həftə keçiriləcək buraxılış imtahanlarında fiziki məhdudiyyətli 6 şagird iştirak edəcək
Dövlət İmtahan Mərkəzi tərəfindən 10 və 11 iyun tarixlərində ümumi (9 illik) və tam (11 illik) orta təhsil səviyyəsi üzrə keçiriləcək buraxılış (qəbul) imtahanlarında fiziki məhdudiyyətli (gözdən əlil, eşitmə əngəlli) 6 şagird də iştirak edəcək.
DİM-dən verilən məlumata görə, bu abituriyentlərin rahat şəkildə imtahan verməsi üçün imtahan binalarında xüsusi zallar ayrılıb, hər bir iştirakçının ehtiyacına uyğun tədbirlər görülməklə müxtəlif kitabçalar hazırlanıb, gözdən əlillər üçün fərdi nəzarətçilər, eşitmə əngəlli şagirdlər üçün isə surdopedaqoqlar təyin edilib.
