Xəbərlər / Valideyn / Müəllim
20 aprel 2020
2 924
Dərslər nə zaman başlaya bilər?"- AÇIQLAMA
Xəbər verdiyimiz kimi Azərbaycanda xüsusi rejimli karantin rejim mayın 4-nə kimi uzadılıb. Azərbaycanda mayın 4-dən sonra dərslər başlaya bilərmi?
Bununla bağlı Sobnxeber.az-a danışan Nəsib Məhməliyev bildirib ki, karantin rejiminin may ayının 4-ə qədər uzadılması zərurət idi. Respublika Prezidenti iqtisadi və sosial bloka rəhbərlik edən nazirlərlə keçirdiyi müşavirədə tam aydın şəkildə, pandemiyanın dinamikasına uyğun olaraq fəaliyyət planı haqqında tapşırıqlarını verdi.
İlk növbədə iqtisadiyatın bərpası, aktuallıq baxımından daha çox əhəmiyyət kəsb edən müəssisələrin siyahısı, karantin rejiminin yumşaldılması və digər məsələlərlə bağlı tədbirlər planı tutularaq ölkə başçısına təqdim olunacaq. Əgər mayın 4-ə kimi koronovirusun yayılma zəncirini qırmaq mümkün olsa, yeni yoluxma halları baş verməsə, təhsil müəssisələrinin bərpasından danışmaq olar. Hələlik risk qalır. Müəssisələrin kütləvi fəaliyyətə başlamasından söhbət getmir. Bir daha qeyd edirəm ki, proses mövcud vəziyyətə adekvat olaraq, mərhələli şəkildə həyata keçiriləcəkdir".
