Xəbərlər

12 mart 2020

AMEA-da Azərbaycançılıq Elmi-İdeoloji Mərkəzi yaradılıb

Azərbaycan Milli Elmlər Akademiyasının (AMEA) Rəyasət Heyətində Azərbaycançılıq Elmi-İdeoloji Mərkəzinin yaradılması və fəaliyyət istiqamətləri ilə bağlı müşavirə keçirilib.

Prezident İlham Əliyevin siyasi-ideoloji çağırışlarına cavab olaraq yeni yaradılan mərkəzin əhəmiyyətindən danışan AMEA-nın prezidenti, akademik Ramiz Mehdiyev müşavirənin məqsədindən söz açıb. Bildirib ki, azərbaycançılığın müstəqil Azərbaycan dövlətinin ideya əsasını təşkil etməsi, onun bütün dünya azərbaycanlılarının birlik və həmrəylik ideologiyasına çevrilməsi ümummilli lider Heydər Əliyevin tarixi xidmətidir.

Azərbaycançılıq ideologiyasında xalqımızın milli maraqlarının və dövlətçilik mənafeyinin əks edildiyini, mühüm tarixi əhəmiyyətə malik olduğunu bildirən R. Mehdiyev milli maraqlara cavab verən azərbaycançılıq məfkurəsinin dilimizin, mədəniyyətimizin, milli-mənəvi dəyərlərimizin yaşadılmasına, eləcə də gənc nəslin bu məfkurə əsasında tərbiyə olunmasına xidmət göstərdiyini xüsusi vurğulayıb.

İdeya və ideologiyanın xalqların, cəmiyyətlərin həyatında öz spesifik xüsusiyyəti və mahiyyəti etibarilə bir-birindən fərqləndiyini deyən akademik azərbaycançılıqla bağlı yazılan kitab və məqalələrdə, o cümlədən mediada səsləndirilən fikirlərdə müxtəlif yanaşmaların olduğunu bildirib. O, bu məfkurənin elmi cəhətdən araşdırılması üçün Akademiyanın tərkibində ictimai əsaslarla yaradılan yeni mərkəzdə azərbaycançılıq ideologiyasının siyasi, tarixi, fəlsəfi, ədəbi baxımdan öyrənilməsinin, bu sahədə tədqiqat və təbliğat işlərinin aparılmasının vacibliyini diqqətə çatdırıb.

Müşavirədə çıxış edən AMEA-nın birinci vitse-prezidenti, akademik İsa Həbibbəyli Akademiyada belə bir mərkəzin yaradılmasını mühüm elmi-tarixi hadisə kimi səciyyələndirib. Akademik müstəqil dövlət ideologiyasının araşdırılmasında Akademiyanın humanitar və ictimai elmlər bölmələrinin alimlərinin üzərinə böyük məsuliyyət düşdüyünü qeyd edib.

Tarix İnstitutunun direktoru Yaqub Mahmudov, Qafqazşünaslıq İnstitutunun direktoru Musa Qasımlı, Fəlsəfə İnstitutunun direktoru İlham Məmmədzadə, İqtisadiyyat İnstitutunun direktoru Nazim İmanov və digər alimlər yeni qurumun elmi-tarixi əhəmiyyətindən ətraflı bəhs edərək azərbaycançılıq konsepsiyasının tarixi köklərinin, elmi-ideoloji əsaslarının öyrənilməsi və təbliği, Azərbaycan xalqının çoxəsrlik milli dövlətçilik ənənələrinin tədqiqi və ümumiləşdirilməsi, azərbaycançılıq anlayışının elmi-nəzəri şərhi və vəzifələrin müəyyən olunması istiqamətində mülahizələrini və təkliflərini səsləndiriblər.

Tədbirin sonunda AMEA Rəyasət Heyətinin nəzdində yaradılan Azərbaycançılıq Elmi-İdeoloji Mərkəzi tərəfindən "Azərbaycançılıq idealı: ideyadan ideologiyaya” mövzusunda elmi konfransın təşkili, "Azərbaycançılıq: mənşəyi, formalaşma prosesləri və milli dövlətçilik ideologiyasına çevrilməsi” mövzusunda monoqrafiyanın hazırlanması və nəşri, dövri mətbuatda və elmi nəşrlərdə azərbaycançılıq məsələlərinə həsr edilən məqalələrin hazırlanıb çap edilməsi, "Azərbaycançılıq: tarixdə və müasir dövrdə” adlı seminarların mütəmadi keçirilməsi qərara alınıb.

Qeyd edək ki, Azərbaycançılıq Elmi-İdeoloji Mərkəzinin sədri akademik Ramiz Mehdiyev, sədr müavini akademik İsa Həbibbəylidir. muallim.edu.az

Загрузка...

Həmçinin oxuyun:

AMEA Mərkəzi Elmi Kitabxanasının direktoru işdən çıxarıldı

Akademiyada Yeni təyinatlar olub

Ramiz Mehdiyev AMEA-nın prezidenti seçildi

AMEA-nın akademik Yusif Məmmədəliyev adına Neft-Kimya Prosesləri İnstitutunun 90 illik yubileyi keçirilib

AMEA-nın daha iki institutuna və muzeyinə direktor seçilib

Akademik Akif Əlizadə: AMEA-da təhsil alan magistrantlar elmi laboratoriyalarda təcrübə keçirlər

BDU-nun yeni rektoru ilk tədbirini keçirdi

Misir Mərdanov AMEA-nın elmi jurnalları ilə bağlı təəccübləndirici statistikanı açıqladı

AMEA-nın yeni prezidenti və vitse-prezidentləri seçiləcək

Qızıl medal və mükafat almaq istəyən alimlər üçün müsabiqə elan edildi

Paytaxt məktəblərində "Heydər Əliyev irsinin öyrənilməsi" dərsləri keçirilir

Orfoqrafiya Komissiyasının mübahisəli QAYDALARI haqda son sözü Nazirlər Kabineti DEYƏCƏK

AMEA vitse-prezidenti: “Mərkəzi Elmi Kitabxana AMEA-nın müstəqil elmi mərkəzinə çevrilir”

AMEA-da struktur və kadr dəyişikliyi edilib

Azərbaycan dilinin yeni orfoqrafiya qaydaları hazırlanıb

Tarix İnstitutu 2017-ci ildə: 58 kitab, 275 məqalə...

Akademik Möhsün Nağısoylu: Orfoqrafiya lüğətinin akademik nəşrini Dilçilik İnstitutu hazırlamalıdır

Azərbaycanda bəzi sözlərin yazılışı dəyişdirilir- TƏKLİF

Akademiyanın bu institutlarına yeni direktorlar seçiləcək

Magistr, doktorant və dissertantlar üçün müsabiqə: “Ana dilimiz – milli varlığımızdır”

“Azərbaycan bayrağı” kitabının təqdimatı olub

AMEA-da yeni TƏYİNATLAR

İyulun 7-də AMEA-nın magistraturasında ilk buraxılış olacaq

ADPU-nun Şamaxı Filialında ümummilli lider Heydər Əliyevin anadan olmasının 94-cü ildönümünə həsr olunmuş tədbir keçirildi

« Aprel 2021 »
Be	Ça	Ç	Ca	C	Ş	B
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30