Xəbərlər / Müəllim
23 avqust 2019
2 317
"Bu ilki namizədlər çox yüksək nəticə göstərməklə yanaşı peşəkar davranışa malikdir"
"Bu ilki müsahibələrdə namizədlər çox yüksək nəticə göstərməklə yanaşı peşəkar davranışa malikdir"
Bu sözlər Təhsil Nazirinin müavini Məhəbbət Vəliyeva deyib.
Nazirinin müavini müəllimlərin işə qəbulu üzrə müsabiqənin müsahibə mərhələsini izləyib:
"Bu gün artıq müəllimlərin işə qəbulu üzrə müsabiqənin müsahibə mərhələsinin son günüdür. Müsahibələrdə biologiya, fransız dili, texnologiya və təsviri incəsənət müəllimi olmaq istəyən 736 namizədin iştirakı gözlənilir. Bu ilki müsabiqədə Təhsil nazirliyi tərəfindən 7300 vakant yer çıxarılıb. Ümumi müsabiqədə isə 3700 namizəd iştirak edib. Müsahibə prossesinə praktik psixoloqlar da əlavə edilib. Bu ilki namizədlər test imtahanında yüksək nəticə göstərməklə yanaşı müsahibə mərhələsində də peşəkar davranışa da malikdirlər".
Qeyd edək ki, müsahibə zamanı namizədlərin ixtisası üzrə bilik və bacarıqları, psixoloji durumu və ümumi dünyagörüşü yoxlanılır. Həmçinin namizədlər ixtisasları üzrə əvvəlcədən elan olunmuş mövzulardan birini açıq dərs formatında müsahibə komissiyası üzvlərinə təqdim etməlidirlər. Həmin mövzu proqram təminatı tərəfindən təsadüfi seçim əsasında müəyyən edilir.
