Xəbərlər
22 oktyabr 2018
2 496
Qanun müddəalarındakı bu sözlər “təhsil”lə əvəz olunacaq – Rəsmi qərarlar
Nazirlər Kabineti 22 oktyabrda bir sıra qərarlara dəyişiklik edilməsi barədə qərar qəbul edib. Qərarlara edilən dəyişikliklərə əsasən, bir sıra müxtəlif bəndlərdə yer alan "tərbiyə” sözü "təhsil” sözü ilə əvəz edilib.
1.Azərbaycan Respublikası Nazirlər Kabinetinin 2002-ci il 29 may tarixli 85 nömrəli qərarı ilə təsdiq edilmiş "Reabilitasiya mərkəzləri haqqında Əsasnamə”yə aşağıdakı dəyişikliklər edilib. 3.1. 2.2-ci bənddə "uşaq tərbiyə” sözləri "təhsil” sözü ilə, 3.2. 9.1-ci bəndin dördüncü abzasında "tərbiyə” sözü "təhsil” sözü ilə əvəz edilib.
2.Azərbaycan Respublikası Nazirlər Kabinetinin 2003-cü il 14 may tarixli 67 nömrəli qərarı ilə təsdiq edilmiş "Büdcədən maliyyələşən təlim-tərbiyə və təhsil müəssisələrinin yaradılması, genişləndirilməsi, yenidən təşkili və ləğv edilməsi Qaydaları”nın 1-ci hissəsinin ikinci abzasında "tərbiyə” sözü "təhsil” sözü ilə əvəz edilsin.
3.Azərbaycan Respublikası Nazirlər Kabinetinin 2003-cü il 12 avqust tarixli 106 nömrəli qərarı ilə təsdiq edilmiş "İşçilərə həftə ərzində 36 saatdan çox olmayan, qısaldılmış iş vaxtı müəyyən edilən yüksək həssaslıq, həyəcan, zehni, fiziki və əsəb gərginliyi, habelə insanın səhhətinə mənfi təsir göstərən digər amillər olan əmək şəraitli iş yerləri üzrə iş vaxtının konkret müddəti göstərilməklə peşələrin, vəzifələrin Siyahısı”nın 5-ci və 16-cı hissələrinə "məktəbəqədər” sözündən sonra "təhsil müəssisələrində” sözləri əlavə edilsin.
4.Azərbaycan Respublikası Nazirlər Kabinetinin 2010-cu il 24 noyabr tarixli 215 nömrəli 1-ci hissəsinin ikinci abzasında "tərbiyə” sözü "təhsil” sözü ilə əvəz edilsin
5.Azərbaycan Respublikası Nazirlər Kabinetinin 2003 -cü il 12 avqust tarixli 106 nömrəli qərarı ilə təsdiq edilmiş "İşçilərə həftə ərzində 36 saatdan çox olmayan, qısaldılmış iş vaxtı müəyyən edilən yüksək həssaslıq, həyəcan, zehni, fiziki və əsəb gərginliyi, habelə insanın səhhətinə mənfi təsir göstərən digər amillər olan əmək şəraitli iş yerləri üzrə iş vaxtının konk ret müddəti göstərilməklə peşələrin, vəzifələrin Siyahısı”nın 5-ci və 16-cı hissələrinə "məktəbəqədər” sözündən sonra "təhsil müəssisələrində” sözləri əlavə edilsin
azedu.az
