Xəbərlər / Cəmiyyət
23 fevral 2018
2 520
"Bir sinfə 40 şagird yerləşdirməli oluruq" - Təhsil İdarəsi
Bakıya axın şagirdlərin orta məktəblərə yerləşdirilməsində problem yaradır.
Bu sözləri Bakı Şəhəri üzrə Təhsil İdarəsinin rəhbəri Məhəbbət Vəliyeva deyib.
Onun sözlərinə görə, Bakıda fəaliyyət göstərən 317 orta məktəbdən yalnız 31-də ərazi prinsipi qoyulub: "Valideynlər çalışır ki, uşaqlarını yaşadığı, işlədiyi ərazilərdə məktəblərə yerləşdirsinlər. Boş yer qalsa, digər ərazilərdə olan şagirdlər yerləşdirilir".
Məhəbbət Vəliyeva qeyd edib ki, paytaxta əhali axını yerləşdirmədə çətinliklər yaradır: "Bəzən bir sinfə 40 şagird yerləşdirilməli oluruq. Soruşurlar ki, bir sinifdə bu qədər şagird olarmı? Axı, kimisə məktəbə qəbil etməmək ixtiyarımız yoxdur".
