Xəbərlər / Cəmiyyət
27 sentyabr 2017
2 844
Bakıda məktəblini vuran motosiklet sürücüsü: Qəfil qarşıma çıxdı
Xəbər verdiyimiz kimi, Bakının Nəsimi rayonu, Puşkin küçəsində 13 yaşlı məktəbli Hüseynov Kənan Elçin oğlu yolu keçmək istəyərkən, onu motosiklet vurub.
Ötən gün yayılan xəbərdə motosiklet sürücüsünün xəsarət alan piyadanı hadisə yerində qoyaraq, qaçdığı qeyd olunub.
Bu gün həmin sürücü - Vəliyev Azər Eldar oğlu əlaqə saxlayaraq, hadisə yerindən qaçmadığını və məktəbliyə yardım etdiyini bildirib.
"Uşaq yolu keçmək istəyərkən qəfil motosikletin qarşısına çıxdı, idarəetməni itirdim. Nəticədə motosiklet ona dəydi. Mən də yıxıldım, əllərim əzildi. Hadisə yerinə çağırdığım təcili tibbi yardım maşını ilə uşağı 3 saylı Şəhər Klinik Xəstəxanasına çatdırdım. Qeyd olunduğu ki, vəziyyəti orta-ağır deyil, lazım olan tibbi yardım göstərilib və evə buraxılıb”, - deyə sürücü söyləyib.
Oxu.az
