Xəbərlər / Abituriyent
31 avqust 2017
2 643
Ali məktəblərin boş plan yerlərinə və kolleclərə qəbul olan abituriyentlərin qeydiyyatı bu gün başa çatır
Azərbaycan Respublikası ali təhsil müəssisələrinin boş qalan plan yerlərinə və tam (11 illik) orta təhsil bazasında orta ixtisas təhsili müəssisələrinə (kolleclərə) qəbul olan abituriyentlərin qeydiyyatı avqustun 31-i saat 17:00-da başa çatır.
Dövlət İmtahan Mərkəzindən (DİM) bildiriblər ki, abituriyentlər həmin vaxtadək sənədlərini daxil olduqları təhsil müəssisələrinə təqdim etməklə qeydiyyatdan keçməlidirlər. Abituriyentlər tələb edilən sənədlərin siyahısını qəbul olduqları təhsil müəssisəsindən öyrənə bilərlər.
Göstərilən müddətə qədər qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndirilir və onun qəbul haqqında əmri tədris müəssisəsinə göndərilmir.
