Xəbərlər
19 aprel 2017
2 723
Y. V. Çəmənzəminlinin anadan olmasının 130 illik yubileyi ilə əlaqədar dəyirmi masa keçirilib
Aprelin 19-da Balçılı kənd 2 nömrəli tam orta məktəbdə Yusif Vəzir Çəmənzəminlinin anadan olmasının 130 illik yubileyi ilə əlaqədar dəyirmi masa keçirilib.
Dəyirmi masanın keçirilməsində məqsəd ədəbiyyat fənninə marağın artırılması, şagirdlərdə bədii qiraət bacarıqlarının təkmilləşdirilməsə nail olmaqdır.
Dövlət Himninin səslənməsi ilə başlanan dəyirmi masada Rayon Təhsil Şöbəsinin əməkdaşları, məktəbin müəllim və şagird kollektivi iştirak edib.
Məktəbin direktoru Bəhram Musayev çıxışı zamanı bildirib ki, şagirdlərdə ədəbi-bədii düşüncələrin inkişaf etdirilməsi, onlarda sağlam düşüncə tərzinin formalaşması üçün belə tədbirlərin keçirilməsi çox vacibdir.
Tədbirin gedişində şagirdlərin ifasında Y.V.Çəmənzəminlinin əsərlərindən müxtəlif hissələr canlandırılıb.
Dəyirmi masada digər fənn müəllimləri də şairin həyat və yaradıcılığı, əsərlərində poetik düşüncə tərzi barədə məlumat verərək, öz fikirlərini bölüşüblər. Şairin "Studentlər”, "Qızlar bulağı”, "İki od arasında” və digər əsərlərinin qəhrəmanları barədə müzakirələr aparılıb.
Raminə Məmmədova(Göygöl təhsil şöbəsi, ictimaiyyətlə əlaqələr üzrə məsul şəxs)
