Xəbərlər / İlk peşə təhsili
01 sentyabr 2021
1 565
Peşə təhsili üzrə elektron tələbə qəbulunun ikinci mərhələsi başlayır
Sentyabrın 2-dən 2021-2022-ci tədris ili üzrə peşə təhsili müəssisələrinə boş qalan yerlər üzrə tələbə qəbulunun ikinci mərhələsinə start veriləcək.
Təhsil Nazirliyindən verilən məlumata görə, müraciətlər platforma üzərindən ödənişsiz qaydada aparılır.
Boş qalan yerlərə sənəd qəbulu 6 sentyabr saat 23:59-dək davam edəcək. Peşə təhsili müəssisələrinə ümumi və ya tam orta təhsil bazasını bitirən şəxslər müraciət edə bilərlər.
Peşə təhsil pilləsi üzrə elektron tələbə qəbulunun birinci mərhələsində uğurlu nəticə göstərməyən şəxslər ikinci mərhələyə qatıla və ixtisas seçimi həyata keçirə bilərlər.
Boş qalan yerlər üzrə müraciət imkanı ikinci mərhələdə iştirak etməyənlər üçün də açıq olacaq.
Peşə təhsili müəssisələrinə qəbul ərizəçinin attestatında göstərilən müvafiq fənlər üzrə qiymətlərinin orta balı əsasında aparılır.
Tələbə qəbulu prosesində hər şəxsə maksimum beş ixtisas üzrə seçim etmək imkanı yaradılır.
Müsabiqədən uğurla keçən şəxslər növbəti mərhələdə qəbul olduqları müəssisəyə sənədlərin əslini təqdim edilməsi üçün dəvət olunacaqlar.
