Xəbərlər / Müəllim
02 fevral 2021
1 065
Fevralın 5-də müəllimlərin işə qəbulu üzrə növbəti onlayn müsahibələrə başlanılacaq
Fevralın 5-də 2020-2021-ci tədris ili üzrə müəllimlərin işə qəbulu müsabiqəsinin növbəti onlayn müsahibə mərhələsinə başlanılacaq.
Təhsil Nazirliyindən bildirilib ki, bu mərhələdə iştirak edəcək namizədlərin şəxsi səhifələrinə müsahibələrin keçiriləcəyi tarix və saat barədə məlumat göndərilib. Onlayn müsahibə mərhələsinə 2 min 948 nəfər dəvət olunub.
Müsahibələr "Microsoft Teams” platforması üzərindən keçiriləcək. Namizədlərin müsahibəyə qoşulmaq üçün şəxsi səhifələrinə yerləşdirilən videotəlimatla tanış olmağı tövsiyə olunur.
