Xəbərlər
16 noyabr 2020
2 273
2021-ci il üçün xaricdə doktorantura təhsili üzrə sənəd qəbulu aparılır
Təhsil Nazirliyinin nəzdində "2019-2023 Dövlət Proqramı” idarəetmə qrupu "2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində nüfuzlu xarici ali təhsil müəssisələrində doktorantura səviyyəsi üzrə təhsil almaq istəyən Azərbaycan Respublikası vətəndaşlarının 2021-ci il yaz semestri üçün sənəd qəbulu aparılır.
Nazirlikdən verilən məlumata görə, sənəd qəbulu dekabrın 15-dək davam edəcək. Proqram xaricdə doktorantura səviyyəsi üzrə təhsili üçün prioritet ixtisas istiqamətləri və ixtisasları üzrə doktoranturaya qəbul olmağa hazırlaşan və hazırda müvafiq sahələr üzrə doktorantura səviyyəsində təhsil alan namizədlər üçün nəzərdə tutulub. Proqram iştirakçılarının təhsilinin maliyyələşdirilməsi Dövlət Proqramının idarəetmə qrupu tərəfindən idarə olunur.
Sənəd qəbuluna dair digər məlumat və şərtlərlə Təhsil Nazirliyinin saytında verilmiş elan vasitəsilə tanış olmaq mümkündür. Əlavə suallar olduqda maraqlanan namizədlər e-poçt vasitəsilə [email protected] ünvanına müraciət edə bilərlər.
