Xəbərlər / Səhiyyə
16 iyul 2020
1 416
Koronavirusdan sağalanlara peyvənd lazımdırmı? - Mütəxəssis cavab verir
Koronavirusa yoluxan və xəstəliyi ağır keçirən şəxslərə peyvənd lazım deyil, çünki onların artıq yaxşı immuniteti var.
Bu barədə Rusiyanın N.F.Qamaleya adına Epidemiologiya və Mikrobiologiya Milli Tədqiqat Mərkəzinin direktoru Aleksandr Gintsburq xəbər verib.
O, açıqlamasında belə insanlarda virusa qarşı anticisimlərin güclü qoruyucu titrlərinin yarandığını göstərən çoxsaylı tədqiqatlara istinad edib.
"İmmunitetin nə qədər çəkəcəyini deyə bilmərəm, amma onların yaxın vaxtlarda peyvəndə ehtiyaclarının olmayacağı dəqiqdir”, - deyə, epidemioloq bildirib.
Bununla belə, A.Gintsburq koronavirusu başqa cür keçirən xəstələrin peyvəndə ehtiyacının olub-olmadığı barədə heç nə deməyib.
