Azərbaycan Texniki Universitetində “İnnovativ Univesitetlər” mövzusunda dəyirmi masa təşkil olunub

Azərbaycan İqtisadçılar İttifaqı İB layihəsinin icrasını yekunlaşdırır.

Azərbaycan İqtisadçılar İttifaqı İB Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2019-cu ilin 1-ci qrant müsabiqəsində qalib gəlmiş və 20 may 2019-cu il tarixindən icrasına başlanılan "Ali təhsil müəssisələrində beynəlxalq rəqabətliyin artırılması mövzusunda ictimai müzakirələrin təşkili” adlı layihənin icrasına başlamışdır. Layihənin icrası uğurla aparılmışdır.

Hazırki mərhələdə bir sıra təhsil müəssisələrində ali təhsil müəssisələrində beynəlxalq rəqabətliyin artırılması mövzusunda ictimai müzakirələr aparılmış, layihə icrası yekunlaşmaya doğru gedir. Baki Biznes Universitetində, Azərbaycan Texniki Universitetində, Kooperasiya Universitetində Layihə çərçivəsində "İnnovativ Univesitetlər” mövzusunda dəyirmi masalar keçirilmişdir. Tədbirdə layihə eksperti, dosent İlham Əhmədovun "İnnovativ Univesitetlər” mövzusunda geniş təqdimatı tədbir iştirakçılarının böyük marağına səbəb olmuşdur.

Məruzədə İnnovasiya nədir? İnnovativ təhsil nədir? Gələcəyin təhsili necə olacaq? İnnovativ təhsilin mənbə və tərkibi, İnnovativ təhsilin instrumental dəstəyi, İnnovativ təhsilin metodik bazası, İnnovativ Universitet, Universitetin İnnovativ infrastrukturu, "Universitet 1.0, 2.0, 3.0”- I, II, III nəsil universitetlər, İnnovasiya Təhsil Proqramları, Universitetin innovativ fəaliyyətinin istiqamətləri, Universitetlərdə Onlayn və distant təhsil texnologiyaları, Biznes universitetlər, Akademik İnnovasion Universitetlər, Universitetin innovativ təhsil siyasəti, əsas prinsiplər, İnnovativ Universitetin fəaliyyətində 3 əsas komponent kimi məsələlərə toxunulmuşdur.

Təqdimatdan sonra mövzu ətrafında müzakirələr olmuşdur. Müzakirələrdə məruzədə qaldırılan məsələlərin aktuallığı, onların reallaşdırılması zərurəti, məruzədə qeyd edilən amillərin milli universitetlərimizin inkişafında və rəqabətqabiliyyətliyinin yüksəldilməsində əhəmiyyəti qeyd edilmiş, belə tədbirlərin davamlı olmasının məqsədəuyğunluğu diqqətə çatdırılmışdır.

İcrası 6 aya nəzərdə tutulmuş layihə artıq yekunlaşmaq üzrədir.

Aztehsil.com