Mehriban Əliyeva Musiqi Məktəbinin yeni binasının açılışında
Dekabrın 6-da Bakıda Leopold və Mstislav Rostropoviçlər adına 21 nömrəli onbirillik musiqi məktəbinin yeni binasının açılış mərasimi olub.
Aztəhsil.com xəbər verir ki, Azərbaycan Respublikasının Birinci vitse-prezidenti Mehriban Əliyeva mərasimdə iştirak edib.
Birinci vitse-prezident Mehriban Əliyeva məktəb binasının rəmzi açılışını bildirən lenti kəsdi və burada yaradılan şəraitlə tanış oldu.
Mədəniyyət və turizm naziri Əbülfəs Qarayev məktəbin yeni binasında görülən işlər barədə Azərbaycanın Birinci vitse-prezidenti Mehriban Əliyevaya məlumat verdi.
Bildirildi ki, bu musiqi məktəbi 1967-ci ildən fəaliyyət göstərib. 1997-ci ildə Prezident Heydər Əliyevin Sərəncamı ilə məktəbə Leopold və Mstislav Rostropoviçlərin adı verilib. 2014-cü ildə məktəbin köhnə binası sökülərək yerində yenisinin inşasına başlanılıb.
Prezident İlham Əliyevin "Azərbaycan Respublikasında mədəniyyət sahəsinin inkişafına dövlət dəstəyinin gücləndirilməsi ilə bağlı əlavə tədbirlər haqqında” 2017-ci il 14 avqust tarixli Sərəncamına əsasən musiqi məktəbinin tikintisinin və təchizatının tamamlanması üçün vəsait ayrıldı. Qısa vaxt ərzində görülən işlər nəticəsində məktəb şagirdlərini yenidən qəbul etməyə hazırdır.
Birinci vitse-prezident Mehriban Əliyeva musiqi məktəbində yaradılan şəraitlə tanış oldu.
Hazırda bu məktəbdə 600 şagird təhsil alır. Onlara 114 müəllim – professor, Bakı Musiqi Akademiyasının müəllimləri, Əməkdar incəsənət xadimləri, Xalq artistləri sənətin sirlərini öyrədirlər. Musiqi məktəbində 110 yerlik akt zalı, 34 sinif otağı, habelə 5 inzibati otaq, kitabxana və səsyazma studiyası var. Məktəbin bütün avadanlığı və inventarı təzələnib, o cümlədən təhsil müəssisəsinə 12 royal, 24 fortepiano alınıb. Burada 7 yaşından təhsillərinə başlayan şagirdlər fortepiano, simli və nəfəs alətləri və xalq çalğı alətləri şöbələrində musiqi biliklərinə yiyələnirlər. Son 10 il ərzində məktəbin 23 şagirdi Prezident təqaüdünə layiq görülüb. Həmçinin son iki ildə məktəbin 25 şagirdi beynəlxalq və respublika müsabiqələrinin qalibi olub. Onların əksəriyyəti nadir ixtisaslar – saksofon, fleyta və trambon üzrə qalib olanlardır.
Bu gün musiqi məktəbinin məzunları Simfonik, Kamera orkestrlərində ifa edirlər, Musiqi Akademiyasında fəaliyyət göstərirlər. Vətəni Azərbaycanla hər zaman fəxr edən Mstislav Rostropoviç etiraf edirdi ki, onun enerjisinin sirri – genetika və Bakı iqlimindədir.
Azərbaycana olduqca bağlı olan dahi musiqiçinin xatirəsi xalqımızın qəlbində həmişə yaşayacaq. Musiqiçinin vətənində onu yad edir və sevirlər. Azərbaycan paytaxtında Rostropoviçin bir çox xatirə yerləri var. Bakıda Beynəlxalq Mstislav Rostropoviç festivalının keçirilməsi də bir ənənəyə çevrilib. Leopold və Mstislav Rostropoviçlərin adını daşıyan musiqi məktəbi isə bu dahi sənətkarın xatirəsinə hörmətin daha bir təzahürüdür.
Birinci vitse-prezident Mehriban Əliyeva məktəbin kollektivinə uğurlar arzuladı.
Birinci vitse-prezident: Məktəb illəri silinməz iz qoyur – FOTO
Salyan şəhər 2 saylı tam orta məktəbin yeni binası istifadəyə verilib
Prezident 20 nömrəli məktəbin açılışında iştirak edib
Prezident Bakı Ali Neft Məktəbinin kampusunun açılışında
Mehriban Əliyeva Könül Xasıyevaya ev hədiyyə etdi
Prezident Bakıda 257 nömrəli məktəbin yeni korpusunun açılışında iştirak edib - YENİLƏNİB
Uşaq musiqi məktəblərində silsilə tədbirlər keçirildi
İlham Əliyev Masazırda məktəb açılışında olub
Prezident İlham Əliyev 212 saylı məktəbdə yaradılan şəraitlə tanış olub
Prezident Gəncədəki orta məktəbdə oldu
ADNSU-da yığıncaq keçirilib -Birinci vitse-prezidentlə bağlı
Müslüm Maqomayev Musiqi Mədəniyyəti Dövlət Muzeyində xatırlanacaq
Mehriban Əliyeva: “Azərbaycanda təhsil sahəsinə diqqət ən prioritet istiqamətlərdən biridir”
Prezident məktəb-liseydə yaradılan şəraitlə tanış oldu
Nizami rayonunda 10 saylı tam orta məktəb əsaslı yenidənqurmadan sonra istifadəyə verilib
Musiqi Akademiyasında dünya şöhrətli bəstəkarların əsərləri səslənib
Bu məktəblərdə islahatlar aparılacaq - Nazirlikdən AÇIQLAMA
Şuşa rayon nümayəndəliyində uşaq incəsəsənət və musiqi məktəbləri müəllimlərinin zona müşavirəsi keçirilib
Azərbaycanın “xeyirxah ledisi”
Magistraturaya sənəd verənlərin nəzərinə
“Səmimi təbriklərinizdən çox təsirlənmişəm” - Mehriban Əliyeva
Bu gün Mehriban Əliyevanın ad günüdür - Tarix yazan xanım
Azərbaycanın ilk rok-operası yazıldı
ADPU bir qrup heyəti Asəf Zeynallı adına Musiqi Kollecində olub