Kazanda elmin inkişafı istiqamətində tədbir keçirilib

Kazan şəhərinin Novosovinskiy rayonunun 165 saylı məktəbində Moskva dumasından deputatların, eləcə də, yerli millət vəkilləri, aidiyyatı nazirliklərin rəhbər nümayəndələrinin də qatıldığı elmin inkişafı istiqamətində tədbir keçirildi.

Aztəhsil.com xəbər verir ki, tədbirdə əsas məqsədi yeni məktəb korpusunun tikilməsi idi. Tədbirdə təşkilatçıların dəvət ilə Birləşmiş Dünya Azərbaycanlıları Təşkilatının rəhbəri Sərraf Kərimov iştirak etdi.

Həmin məktəbdə 20 nəfərdən artıq Azərbaycan övladları təhsil alır. Elə məhz buna görə də BDAT rəhbəri çıxışının əsas mövzusu məktəbin şənbə günündə bir və ya bir neçə saat Azərbaycan dili saatının keçirilməsi oldu.

Bu saatın yüksək səviyyədə keçirilməsi üçün xüsusi sinif otağı və ayrıca dərs saatı təyin olunmalı, həmin saatlar zamanı əsasən Azərbaycan dili, Tarix, Ədəbiyyat dərslərinə geniş yer verilməsini məqsədə uyğun hesab etdi.

Sərraf Kərimov daha sonra məktəbdə Azərbaycan guşəsinin yaradılmasını bu löhvənin üzərində ölkəmiz haqqında geniş məlumatın, dövlətimizə məxsus atributların, həmçinin milli mətbəximizin, Azərbaycanın milli mənəvi dəyərləri haqda geniş qeydlər və məlumatlar yazılmağının vacibliyini qeyd etdi.

Həmçinin Azərbaycanın görkəmli yerlərinin, turizm inkişafının geniş yayılması məqsədilə gəzməli, görməli yerlərimizin fotolarını həmin lövhədə görməyini istədi. BDAT rəhbərinin təklifləri tədbir istirakçıları tərəfindən alqışla qarşılandı və müsbət fikirlər bildirildi. Tədbirin sonunda xatirə şəkillər çəkildi.