Cəbrayıl təhsilində "partizan" peyda olub: - Şöbə müdirini döydü, YAP-ı işə saldı

Bir müddət əvvəl qarşıdurma xəbərləri ilə gündəmə gələn Cəbrayıl rayon Təhsil Şöbəsi ilə bağlı Faktor.az-a yeni şikayət məlumatları daxil olub.

Belə ki, mətbuatda  Cəbrayıl Rayon Təhsil Şöbəsinin müdir müavini Aydın Bəyişovun psixoloji problemlərinin olması, eləcə də Təhsil Şöbəsində çalışan metodistlərlə yola getməməsi ilə bağlı məlumatlar yayılıb.

Daha öncə qeyd edilirdi ki, RTŞ-nin müdir müavini hətta müdirə əl də qaldırıb.

Amma daha sonra açıqlama verən Cəbrayıl rayon Təhsil Şöbəsinin müdiri Validə Həsənova müdir müavinin ona əl qaldırmasını təkzib edib.

Aztəhsil.com Faktor.az-a istinadən xəbər verir ki, o bir daha qeyd edib  ki, bu deyilənlərdə heç bir doğruluq payı yoxdur:

"Aydın Bəyişovun nə müdirlə, nə  müəllimlərlə, nə də metodistlərlə heç bir problemi yoxdur. Jurnalistlər dəfələrlə zəng vurub məsələnin mahiyyətini öyrənməyə çalışıblar. Belə bir hal baş verməyib, bu, yalnızca qərəzli, kiminsə tərəfindən yayılmış məlumat ola bilər, başqa heç nə. 15 ildən artıqdır ki, Aydın Bəyişov burada çalışır. Hər hansı bir problem yaşansaydı, çoxdan eşidilərdi. Düşünürəm ki, söylənilənlər sadəcə şayiədən ibarətdir”.

Amma qəribədir ki, müdir müavini haqqında şayiə tək bundan ibarət də deyil. Belə ki, yenə də mətbuatda Aydın Bəyişovun adı 16 min manatlıq korrupsiya araşdırmalarında adı keçir.

Qeyd edək ki, 5 saylı ibtidai məktəbin direktoru İsmət Məmmədov istintaqa verdiyi ifadədə 16 min manatın rüşvət kimi  müdir müavininə verdiyini bildirib.

Adı hallanan müdir müavinin məsələsi YAP Cəbrayıl Rayon Təşkilatında da müzakirə edilib və Partiyada bu şəxsə yaxın rəsmilərin himayəsinə daxil ola bilib.

YAP-ın rayon təşkilatından isə bildiriblər ki, Sözügedən məlumatlar əsassızdır.

Mövzunu diqqətdə saxlayacağıq.