“Azərbaycan bayrağı” kitabının təqdimatı olub
"Baku Crystal Hall”da Dənizkənarı Bulvar İdarəsinin dəstəyi ilə Dövlət Bayrağı Muzeyinin direktoru, tarix üzrə fəlsəfə doktoru Könül İmamverdiyevanın "Azərbaycan bayrağı” adlı kitabının təqdimatı olub.
Aztəhsil.com apa-ya istinadən xəbər verir ki, respublikanın tanınmış elm, mədəniyyət və incəsənət xadimlərinin iştirak etdikləri tədbir dövlət himninin səslənməsi ilə başlayıb.
Kitabın müəllifi Könül İmamverdiyeva çıxış edərək bildirib ki, bu nəşr bayrağımızın təkamülü, inkişaf yolları və formalaşması tarixinə həsr edilib. Kitabın hazırlanmasında məqsəd bayrağımızın müstəqil dövlətçilik tarixində, habelə gənclərin vətənpərvərlik tərbiyəsində müstəsnalığını sistemli şəkildə oxuculara çatdırmaqdır. Gənclərin vətənpərvərlik hissinin gücləndirilməsi istiqamətində dövlət rəmzlərimizin təbliğinin xüsusi əhəmiyyət daşıdığını vurğulayan K. İmamverdiyeva deyib ki, bu nəşr də ictimaiyyət, xüsusən gənclər arasında dövlət atributlarımızın təbliğinə zəmin yaradacaq.
Qeyd olunub ki, kitabda dünyada bayraqların formalaşması ilə bağlı maraqlı tarixi faktlar yer almaqla yanaşı, qədim dövrlərdən Azərbaycan ərazisində hakimiyyət rəmzi mənasını daşıyan, nişanlar şəklində meydana gələn bayrağın sonradan uzun tarixi yol keçərək müasir bayraq kimi formalaşması geniş şəkildə təhlil edilib. "Bu nəşrdə qədim dövrlərdən etibarən Azərbaycan ərazisində mövcud olmuş dövlətlərin bayraqlarının müxtəlif nümunələrinə dair maraqlı məlumatlar öz əksini tapıb və həmin materiallar illüstrativ formada oxucuların diqqətinə çatdırılıb”, - deyə müəllif bildirib.
O, kitabın ərsəyə gəlməsində əməyi olan hər kəsə təşəkkürünü bildirərək belə təqdimatların davamlı olmasının önəmini vurğulayıb.
Azərbaycan Milli Elmlər Akademiyasının Tarix İnstitutunun direktoru, Milli Məclisin deputatı, akademik Yaqub Mahmudov kitab haqqında fikirlərini bölüşüb.
O deyib ki, Azərbaycan ərazisində yaranmış orta əsr dövlətlərinin bir neçə bayrağının ilkin mənbələr əsasında tədqiqi və kitabda yer alması nəşrin elmi əhəmiyyətini artırıb.
Y.Mahmudov bildirib ki, milli rəmzlərimizin bərpası və qəbulunda ulu öndər Heydər Əliyevin çoxsaylı xidmətləri olub. Bu gün Prezident İlham Əliyev dövlət bayrağımızın təbliği istiqamətində müstəsna işlərin həyata keçməsi üçün xüsusi göstərişlər verir.
Dövlət bayrağı ilə bağlı qanunvericilik bazasının formalaşması, bu yöndə həyata keçirilən müvafiq işlər ölkə rəhbərliyinin bu sahəyə olan diqqət və qayğısının nəticəsidir.
Heydər Əliyev Mərkəzinin Heydər Əliyev irsinin tədqiqi və elmi araşdırmalar departamentinin direktoru Məhəbbət Mehdiyeva, AMEA-nın Tarix İnstitutunun direktor müavini, professor Tofiq Nəcəfli kitabın elmi əhəmiyyətindən danışıblar. Natiqlər qeyd ediblər ki, belə nəşrlər vətənpərvərlik nümunəsidir.
Xatırladaq ki, "Azərbaycan bayrağı” kitabının elmi məsləhətçisi akademik Yaqub Mahmudov, rəyçisi AMEA-nın Milli Azərbaycan Tarixi Muzeyinin direktoru, akademik Nailə Vəlixanlıdır.
Heydər Əliyev Mərkəzinin parkında “Oxu Günü” keçirilib
AMEA-da yeni TƏYİNATLAR
"3 səhifəlik bəyanatı Yaqub Mahmudov özü yazıb" – TƏHSİL NAZİRLİYİNİN YALANI ÜZƏ ÇIXDI
ADU-da Azərbaycan-Çin münasibətləri haqqında kitabın təqdimat mərasimi keçirilib
ADU-da “Türk sonetləri” kitabının təqdimatı keçirildi
ADU-da Azərbaycan-Çin diplomatik münasibətlərinin 25-ci ildönümü qeyd olundu
İyulun 7-də AMEA-nın magistraturasında ilk buraxılış olacaq
AzMİU-da “Azərbaycan memarlıq irsinin qorunması və istifadəsi” adlı elmi konfrans keçirilib
Akademik Siddiqə Məmmədova ilə vida mərasimi keçirilib
ADPU-nun Şamaxı Filialında ümummilli lider Heydər Əliyevin anadan olmasının 94-cü ildönümünə həsr olunmuş tədbir keçirildi
“Ulu öndər Heydər Əliyevin milli ordu quruculuğu siyasəti” mövzusunda dərsin təqdimatı olub
BDU-da Heydər Əliyevin anadan olmasının 94-cü ildönümünə həsr olunmuş tədbir keçirilib
Azərbaycan Respublikasının Dövlət Bayrağı
Ağstafa rayon ümumtəhsil müəssisələrində Bayraq Günü geniş qeyd edilib
Dərs vəsaitinin təqdimatı keçirilib
ADPU-nun Quba Filialının kollektivi “Ustad dərsi” adlı interaktiv mühazirədə iştirak ediblər
AMEA-dan Tarix İnstitutunun xəritə bəyanatına CAVAB- YALNIŞ RƏY
Xəzər TV-nin əməkdaşları ADPU-nun Heydər Əliyev Mərkəzində
Binəqədidə “Elm və təhsil İlham Əliyev siyasətinin prioritet istiqamətlərindən biri kimi” adlı məlumat saatı keçirilib
MEK-də professor Aleksandr Umnyaşkinin kitab kolleksiyasının təqdimatı keçirilib
Bitki Mühafizə və Texniki Bitkilər Elmi Tədqiqat İnstitutunun direktoru vəfat edib
Milli Məclisin deputatı Aydın Mirzəzadə ADU-da oldu
Sumqayıtda məktəb direktorları üçün vacib stolüstü kitab
AzMİU-da Milli Qurtuluş Günü qeyd olunub