Qalmaqallı dərsliyin müəllifləri nazirliyə çağırıldı
Azərbaycanın orta məktəblərinin 10-cu sinfi üçün nəzərdə tutulmuş rus dilində "Azərbaycan tarixi” dərsliyinin müəllifləri Təhsil Nazirliyinə çağırılıb.
Aztəhsil.com xəbər verir ki, bu barədə azvision.az-a təhsil üzrə ekspert, dərsliyin müəlliflərindən biri olan Kamran Əsədov bildirib.
O, deyib ki, dərslikdə yer alan qondarma erməni xəritəsinə görə müəlliflərə hər hansı cəza tətbiq edilməyib.
"Müəlliflər nazirliyə çağırıldı və məsələnin məğzi öyrənildi. Ancaq müəlliflərlə bağlı hər hansısa cəza tədbiri görülməyib. Burada müəlliflər günahkar deyil. Günahkar Təhsil Nazirliyi, dərsliyi yoxlayan ekspertlər, ictimai müzakirəyə bir ay qalmış səhvi görməyənlərdir. Həmin bölməni mən yazmamışam. Xəritə seçimində də iştirak etməmişəm. Mən Azərbaycan bölməsinə baxmışam. Burada Elmlər Akademiyasının da günahı var. Məsuliyyət dərsliyi yoxlayan orqanların üzərinə düşür”.
Ekspert kitabın ruslar tərəfindən yazıması ilə bağlı Türkiyə mətbuatında gedən iddialara da münasibət bildirib:
"Dərsliyin yazılmasında iştirak edən 9 müəllifin içində mən olmaq şərti ilə hamısının yaxınları, qohumları Azərbayacanın ərazi bütövlüyü uğrunda gedən döyüşlərdə şəhid verib. Dərsliyin hazırlanmasında Rusiya faktorunun olmasından söhbət gedə bilməz. Tenderdə bizdən başqa üç dərslik var idi. Bu dərslik digərləri ilə müqayisədə yüksək qiymətləndirilərək tenderdən keçdi. Burada nə hansısa ölkənin, nə də hansısa şəxsin marağı olub”.
Qeyd edək ki, orta məktəblərin 10-cu sinfi üçün nəzərdə tutulmuş rus dilində "Azərbaycan tarixi” dərsliyində ciddi xətaya yol verilib. Həmin kitabda yer almış xəritədə uydurma "Dənizdən-dənizə Böyük Ermənistan” dövlətinin əraziləri təsvir olunub. Xəritədə uydurma dövlətin ərazilərinə Azərbaycan, Türkiyə, İran və Gürcüstanın torpaqları daxil edilib.
Xatırladaq ki, bu məsələ Azərbaycan ictimaiyyəti tərəfindən etirazlara səbəb olub. Həmin dərsliyin müəllifləri sərt tənqid edilib. Təhsil Nazirliyi açıqlama yayaraq dərslikdə kobud səhvə yol verildiyini etiraf edib. Nazirlik bəyan edib ki, həmin dərsliyin Azərbaycan dilində olan orijinalında və gürcü dilində tərcüməsində səhvə yol verilməsə də, rus dilində olan variantında texniki səhv aşkar edilib.
Dərslik qalmaqalı Türkiyədə rezonans doğurdu- "Kitabı ruslar hazırlayıb"
Dərslikdə ciddi səhv: Azərbaycan “Böyük Ermənistan”ın içində – FOTO
Qalmaqallı dərsliyin digər müəllifləri də DANIŞDILAR- Səhvə yol verilib
Təhsil Nazirliyində kadr dəyişikliyi həyata keçirilməlidir- AÇIQLAMA
"İndi mən Ermənistanın adını silsəm yerinə xəritədə nə yazmalıyam?"
Dövlət İmtahan Mərkəzindən qalmaqallı dərsliklə bağlı- AÇIQLAMA
Qalmaqallı dərsliyin müəllifi: Bəzi tarixi faktları çatdıra bilmirik
Təhsil Nazirliyi səhvi etiraf etdi
Nazirlikdən dərslikdəki “erməni xəritəsi” ilə bağlı - AÇIQLAMA
Dərslik qalmaqalı davam edir, məktəb direktoru danışdı: "Günahkarsınız, vəssalam"
Əməkdar müəllim 10-cu sinif biologiya dərsliyində qeydə aldığı səhvlərdən danışdı
Dərslikdə ciddi səhv - Azərbaycan məktəbi Əfqanıstandakı kimi təqdim edilir - VİDEO
“10-cu sinif “Azərbaycan tarixi” dərslik layihəsi plagiatdır, elmi qüsurlar və uyğunsuzluqlar çoxdur"
10-cu sinif tarix dərsliyi plagiatdırmı? - Müəllifdən cavab
Azərbaycan Təhsil Nazirliyi Gürcüstana 11 500 ədəd dərslik və metodiki vəsait göndərib
"Dərslik layihələri kurikulum tələblərinə uyğun tərtib edilməyib"
Dərs ili başlanır - Tarix dərsliyi ətrafında qalmaqal hələ də davam edir - Tarixçi od püskürdü
Partiya sədri dəsrlikdə gedən səhvdən danışdı- Həm bütün dünyaya car çəkirik, həm də...
Təhsil Nazirliyi dərslik müəlliflərinin narazılığına münasibət bildirdi
TƏHSİL EKSPERTLƏRİ ƏLEYHİNƏ ÇIXDILAR
“Rus dilini təbliğ etmək Azərbaycana düşmənlikdir”
Qənirə Paşayeva Təhsil nazirliyinə əsəbləşdi: " Dəhşətə bax! Onlara deməyə söz tapmıram..."
Almaz Həsrət-“Bütün dərsliklərin monitorinqinin aparılmasına ehtiyac var”
"Hər müəllim ekspert ola bilməz"-Almaz Həsrət